المجموعاتقائمة الاعضاءالرئيسيةبحـثدخولس .و .جالتسجيل

شاطر | 
 

 الانسان قبل الحب وفى الحب وبعد الحب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
برنسس المنصوره
☜☺☞
☜☺☞


انثى

عدد المساهمات 649

نـــقاط 880

العمر 31

العمل القراءه والنت

مزاجك إيه فل الفل


مُساهمةموضوع: الانسان قبل الحب وفى الحب وبعد الحب   الإثنين مايو 31, 2010 1:07 am

أكيد معظمنا إن مكنش كلنا مرينا بقصص حب في منها اللي فشل وأنتهى وفي منها اللي أستمر
وكل حد فينا أكيد أتغير عشان خاطر الحب ده
وده بسبب:

إن الإنسان قبل الحب شيئ
وعند الحب شيئ
وبعد الحب شيئ تاني خالص

في ناس قبل الحب( شيئ)
وعند الحب (كل شيئ)
وبعد الحب (لا شيئ)

اللي عايزة أعرفه منكم إنت كنت أيه قبل ماتحب؟
وبقيت ايه وأنت بتحب؟
وبعد حبك بقيت أيه؟

أيه اللي أتغير فيك من خلال المراحل التلاتة؟!!!

ولو تسمحولي أحب أبتدي بنفسي:
أنا واحدة كنت (قبل الحب) عايشة لنفسي وسط عيلتي مكنش في أي حاجة بتشغل بالي كنت بخرج وبروح وباجي زي أي واحدة في سني كنت بتحمل مسؤلية نفسي وبس.

(وعند الحب) أتغيرت اوي ,أتغيرت لنفسي وبنفسي محدش طلب مني ولا أتغيرت عشان خاطر البني أدم اللي انا مرتبطة بيه طلب مني أتغير, عشان أنا أصلا مش مقتنعة بأني ممكن أتغير عشان خاطر حد ,أنا لما أتغيرت أتغيرت لنفسي
ولما أتغيرت, في حاجات أتغيرت فيا للأحسن وفي حاجات العكس ,حسيت أني في حاجات كتير فيا غلط مكنتش باخد بالي منها ويمكن أولها أني لما بتنرفز على حد صوتي بيبقى عالي أوي ,وطبعا مافيش أي ولد يستحمل أن بنت تعلي صوتها عليه ,بصراحة حاولت كتير أقلل من الموضوع ده بس منكرش أني مقدرتش هو قل بس متمحاش.
تاني حاجة أني بقيت بعمل حساب كل كلمة بقولها وطبعا ده مش دايما بس غالبا,حاولت أبقى أهدى,أعقل,حاجات كتير أوي لو قعدت أتكلم فيها مش هخلص.
ومن الحاجات اللي بجد أنا بندم أني عملتها ومش ناوية أكررها تاني أني كنت ممكن أجامل حد لمجرد أني مزعلش البني ادم اللي انا مرتبطة بيه, وأنا عمري ما كنت بوشين ولا عمري نافقت حد بس بأمانة مش ناوية أكرر الموضوع ده تاني أبدا.

(وبعد الحب)أنا أصحابي اللي عاشوا معايا التلات مراحل دول في حياتي هما اللي عرفوا أنا أتغيرت أد أيه
يمكن أول حاجة أتعلمتها أني أبطل فضول شوية و محاولش أطلع الكلام من اللي قدامي , وأنه الكلام لو أتقال لوحده هيبقى ليه طعم تاني كفاية أنه هيقول الكلام ده أو هيحكيلي مشاكله لمجرد أنه عايز يقوله وعايزني أشاركه في ده, مش عشان أنا عايزة أعرف أيه اللي بيحصل في حياته.
بقيت بفكر في الأمور بمنطقية شوية,ومابجيش على نفسي عشان خاطر حد.
يمكن كمان أتعلمت أني مسمعش نفسي وبس,لأ لازم كمان أسمع اللي حواليا لعل وعسى يكونوا شايفين حاجة انا مش شايفاها.

يا جماعة في الأخر أنا عايزة أقولكم أن الحب فرصة عشان الإنسان يبقى أرقى وأحسن وأجمل
الحب مش أكتر من مجرد تجربة بتطلع الإنسان من وحدته وتقدمله الحياة بشكل تاني كإنه إتولد من جديد
الحب يا أبيض يا أسود مافيش وسط
الحب إرادة وصدق مع النفس قبل ما يكون صدق مع الطرف التاني

أخيراً الحب أسطـورة تعجـز البشريـة عـن إدراكهــا إلا لمن صــدق في
نطقهــا ومعناهـــا


ولكن ما يقلق العاشقين فقط هـــو : احتمال أن تكـون الأقـدار تخبئ لهـم
فُراقـاً لم يكن في حسبــان أي منهــم

نفسي أشوف مشاركتكم و أكيد هنستفيد من بعض
منتظرة أرائكم وتجاربكم
وياريت اسمع إجابتكم


كنت أيه قبل ما تحب؟
و أنت بتحب بقيت أيه؟
وبعد ما مريت بالحب اللي أتغير فيك؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بطوط كتكوت
☜☺☞
☜☺☞


انثى

عدد المساهمات 725

نـــقاط 979

العمر 17

العمل طالبه

مزاجك إيه امووووووووووووووه مهيسه


مُساهمةموضوع: رد: الانسان قبل الحب وفى الحب وبعد الحب   الثلاثاء يونيو 01, 2010 7:16 am

تسلم الايادى يا جميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
برنسس المنصوره
☜☺☞
☜☺☞


انثى

عدد المساهمات 649

نـــقاط 880

العمر 31

العمل القراءه والنت

مزاجك إيه فل الفل


مُساهمةموضوع: رد: الانسان قبل الحب وفى الحب وبعد الحب   الجمعة يونيو 04, 2010 3:58 pm

ميرسى على المرور الجميل





 


 


 


 

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كبر الغرام
⋚ ☃ ⋛
⋚ ☃ ⋛


ذكر

عدد المساهمات 1066

نـــقاط 1385

العمر 27

العمل مدير عام شركه اوعى وشك

مزاجك إيه كوكتيل


مُساهمةموضوع: رد: الانسان قبل الحب وفى الحب وبعد الحب   السبت يونيو 05, 2010 6:52 pm

اكيد الواحد بيتغير لما يحب كتيررررررر لدرجه كبيرة


تسلمى ميرا موضوع مميز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://friends4ever.all-forum.net/index.htm?sid=da9164b1a77f7026
برنسس المنصوره
☜☺☞
☜☺☞


انثى

عدد المساهمات 649

نـــقاط 880

العمر 31

العمل القراءه والنت

مزاجك إيه فل الفل


مُساهمةموضوع: رد: الانسان قبل الحب وفى الحب وبعد الحب   السبت يونيو 05, 2010 10:10 pm

اكيد ياقمر

ميرسى على الكومنت نورت التوبيك





 


 


 


 

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الانسان قبل الحب وفى الحب وبعد الحب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(( افلام , اغاني , برامج , العاب ) Friends4ever)) :: 
.
 :: رومانسية العشاق
-
انتقل الى: